Ինչո՞վ է օգտակար կիվին. news.am

Սննդակարգում կանոնավոր կերպով կիվի ներառող մարդիկ ավելի քիչ են հոգնածություն զգում եւ դեպրեսիա ունենում: Նման եզրահանգման են եկել նորզելանդական Օտագոյի համալսարանի մասնագետները: Նրանց հետազոտության արդյունքները հրապարակվել են Journal of Nutritional Science-ում:

Գիտնականների փորձին 54 երիտասարդ է մասնակցել, որոնց երկու խմբի են բաժանել. վեց շաբաթ շարունակում էին մի խմբի սննդակարգում օրական կես կիվի ներառել, երկրորդ խմբի սննդակարգում՝ երկու կիվի:

Երկրորդ խմբի կամավորների օրգանիզմում C վիտամինի մակարդակն արագորեն բարձրացել էր: Ըստ մասնագետների, արդյունքում նրանք, ի տարբերություն մյուս խմբի անդամների, ավելի աշխույժ են եղել, տրամադրության անկումներ չեն ունեցել:

Բացի այդ, կիվին կենսաբանորեն ակտիվ միացություններ է պարունակում, որոնք նպաստում են նյութափոխանակության կարգավորմանը, օգնում հիպերտոնիայի դեպքում, լավացնում մարսողությունն ու ամրապնդում իմունային համակարգը:

Սննդաբանների հավաստմամբ՝ այս բոլոր նյութերը մարդուն պաշտպանում են սթրեսի հետեւանքներից:

Հարցեր, պատասխաններ, մեկնաբանություններ